أسئلة karazas@help:~$ cat faq.txt
أسئلة بتوصلنا كتير
التوصيل، الدفع، أنواع الملفات، الكفالة. إذا سؤالك مش هون، اسألنا على واتساب.
كرزة 3D
قديش بياخد الطلب وقت؟
عادةً من يوم لـ 3 أيام، والشغلات الكبيرة ممكن توصل لأسبوع. بتعتمد على الحجم وقديش بدها طباعة وكم قطعة بدك.
شو أنواع الملفات اللي بتطبعوها؟
الـ STL والـ OBJ أحسن إشي. ملفك نوع تاني؟ حوّله أول على محوّل الـ CAD.
عندي ملف، قديش بتكلّف طباعته؟
حطّه في حاسبة السعر. السعر تقريبي، فإذا زابط معك اكبس زر الواتساب وبنحكيلك السعر النهائي وقديش بدّه وقت.
قديش ميدالية الاسم؟
2 دينار سعر ثابت. اعملها في مولّد الميداليات وبعدين ابعتها على حاسبة السعر. للكميات أكتر من 5 قطع التسعيرة غير، تواصل معنا عشان نعطيك سعر مزبوط.
عندي فكرة بس ما عندي مجسّم، شو بعمل؟
دوّر على مصمّم في سوق المصمّمين بناسب ميزانيتك ووقتك. لما تتفق معه على سعر المجسّم، إحنا بنسعّرلك الطباعة. هيك مشاريع صعب تنقدّر من الأول، فالسعر ممكن يتغيّر واحنا شغّالين.
صارت مشكلة بطلبي، مع مين بحكي؟
اتصل أو ابعتلنا واتساب على 962793435037+، أو ابعت إيميل على karaza3dprinting@gmail.com.
بتوصّلوا؟
آه، لكل الأردن. والاستلام كمان بزبط إذا قدرنا نرتّبه.
FDM ولا رزن؟
الـ FDM (الخيط) للقطع القوية اللي رح تستعملها، وللأشياء الكبيرة. الرزن للقطع الصغيرة اللي فيها تفاصيل كتير، زي المجسّمات الصغيرة. مش متأكد؟ ابعتلنا المجسّم وبنقلّك.
شو المواد اللي بتطبعوا فيها؟
PLA و PETG و ABS و ASA و TPU، وكمان نايلون وخلطات ألياف كربون، والرزن العادي. حاسبة السعر بتورجيك سعر الغرام لكل وحدة.
ملف الـ STL تبعي فيه أخطاء، بنفع ينطبع؟
غالباً آه. افحصه على أداة تصليح الـ STL عشان تعرف شو المشكلة، وبعدين ابعتلنا إياه وإحنا بنزبّطه.
في حد أدنى للسعر؟
طباعة الـ FDM عليها رسوم أساسية 1.50 دينار، والرزن بيبلّش من 2 دينار. القطع الصغيرة رخيصة، والحاسبة بتورجيك السعر فوراً.
كرزة فينتج
بتوصّلوا لبرّا الأردن؟
آه، بنوصّل محلي ودولي. والاستلام كمان بزبط.
كل الأغراض مستعملة؟
طبعاً يا زلمة، أغلب البضاعة عمرها أكتر من 20 سنة. بس كل قطعة منظّفة ومفحوصة ومجدّدة ومكفولة إنها بتشتغل، وكل جهاز محمول بنركّبله بطارية جديدة.
كيف الكفالة؟
معك شهر من يوم ما تشتري. إذا وصلك إشي مش زي الوصف بالإعلان (الأنالوج بيسحب لحاله، شاشة مكسورة، هيك إشي)، بتقدر ترجّع مصاريك كاملة أو تبدّله بقطعة بنفس القيمة تقريباً.
بقدر أبدّل؟
بس ضمن الكفالة. غير هيك، لما تشتري القطعة بتصير إلك. غالباً عنّا حبة وحدة من كل إشي، ففكّر منيح قبل ما تشتري.
بتشتروا كمان ولا بس بتبيعوا؟
بنشتري وبنبيع وبنبدّل أي إشي إله علاقة بالألعاب القديمة، ومنفتحين على العروض. عندك إشي بتحس إنه بيهمّنا؟ ابعتلنا التفاصيل وبنرجعلك.
كيف بطلب قطعة؟
افتح الإعلان واكبس واتساب أو إنستغرام. قلّنا أي قطعة بدك والباقي علينا. أغلب الأغراض حبة وحدة وبتروح بسرعة.
بتفحصوا الأغراض قبل ما تنزّلوها؟
آه، كل قطعة بتنظّف وبتنفحص وبتتجدّد قبل ما تنزل. بدك تتأكد؟ ابعتلنا رسالة وبنبعتلك فيديو لنفس القطعة وهي شغّالة.
كل قديش بتنزّلوا بضاعة جديدة؟
كل ما نلاقي إشي. القطع الجديدة بتنزل أول ما توصل، واللي بتنباع بنكتب عليها "تم البيع" فوراً. تابع @vintage.karaza عشان تلحق الجديد.
ما في إشي بطابق بحثك.
شوف شو بحكوا الزباين
رسايل حقيقية من زباين كرزة، سكرينشوتات من واتساب وإنستغرام زي ما هي.
اقرأ التقييمات ←